,,სამოქალაქო დარბაზის"


ზაფხულის მაცნე
რისი გაკეთება მოვასწარით ამ ზაფხულს?
პანდემია და თანდართული შეზღუდვები ისევე აისახა ,,სამოქალაქო დარბაზის" საქმიანობაზე, როგორც სხვა უამრავ ორგანიზაციაზე საქართველოსა და მის ფარგლებს გარეთ. ამის გარდა, ზაფხულის სეზონი, როგორც წესი, დასვენების და ძალების მოკრეფის დროა. ამის მიუხედავად, ამ სამ თვეში რამდენიმე აქტივობა მაინც მოვასწარით.
1
მოხსენება დუხობორებზე
ივნისის თვეში ,,სამოქალაქო დარბაზის" წევრმა თამთა კონჯარიამ Dvv International-ის ხელშეწყობით და დარბაზის ,,მოძრავი აკადემიის" ფარგლებში 4 სათემო განათლების ცენტრისთვის (შაუმიანი, კოდა, ჯვარი და სენაკი) გააკეთა ონლიან პრეზენტაცია საქართველოში მცხოვრებ დუხობორებზე

,,სამოქალაქო დარბაზს" და "Dvv International"-ს გაფორმებული აქვთ თანამშრომლობის ოფიციალური მემორანდუმი. დარბაზის ,,მოძრავი აკადემიის" პროექტის ფარგლებში ამ ეტაპზე ოთხ ლოკაციაზე ვთანამშრომლობთ: შაუმიანი, კოდა, ჯვარი და სენაკი.
2
ონლაინ ტრენინგი
ზაფხულის პირველ თვეში ,,სამოქალაქო დარბაზის" მეგობარმა, თამუნა ბალიანმა (,,თეთრიწყაროს ახალგაზრდული ცენტრი") დარბაზის დაინტერესებული წევრებისთვის, საინტერესო ონლაინ ტრენინგი ჩაატარა მედიაწიგნიერებაზე.
ტრენინგი წარმოადგენდა IREX in Georgia-ას პროექტის ,,ისწავლე, რათა ამოიცნო/Learn to Discern - IREX" კასკადური ტრენინგების ნაწილს, რომელიც ტარდებოდა პროექტის მონაწილე ახალგაზრდა ტრენერების მიერ

#ისწავლერათაამოიცნო
#გახდიმედიაწიგნიერი

3
ივნისში ასევე გავაკეთეთ უდიური კულტურის კვირეული, რომლის ფარგლებშიც საზოგადოებას მივაწოდეთ ინფორმაცია კავკასიის ალბანელთა ამ მცირერიცხოვან შთამომავლებზე, მათ კულტურასა და ისტორიაზე. დაინტერესებულ პირებს გავაცანით ქართული უდიური თემის რამდენიმე ახალგაზრდა. გავაკეთეთ რამდენიმეწუთიანი შემეცნებითი ვიდეო. ,,სამოქალაქო დარბაზს" დაწყებული აქვს საქართველოში მცხოვრები სხვადასხვა ეთნოსების თუ რელიგიური უმცირესობის შესახებ კვირეულების სერია, რომლის ფარგლებში უკვე გავაკეთეთ აფხაზური, ოსური და უდიური კულტურების კვირეულები.
სოფელი ზინობიანის უდიები, XX საუკუნის დასაწყისი (წესის აგება საფლავზე)
4
ლაშქრობა მარნეულის რაიონში
ზაფხულში შაუმიანის სათემო განათლების ცენტრის ორგანიზებით გაიმართა შემეცნებითი ლაშქრობა წოფი-სიონის მარშუტზე (მარნეულის მუნიციპალიტეტი), რომელშიც, შაუმიანის ცენტრის მოწვევით, მონაწილეობას იღებდნენ ,,სამოქალო დარბაზის" წევრებიც. შაუმიანის ცენტრთან ,,სამოქალაქო დარბაზს" ძალიან ახლო და მეგობრული ურთიერთობები ჩამოუყალიბდა. 2019 წლის დეკემბერში, ერთობლივი ძალებით, შაუმიანში წინასაახალწლო ფესტივალიც ჩავატარეთ.
ერთობლივი ლაშქრობა
5
უდიური კულტურის კვირეულის გამართვის გარდა, ამ ზაფხულს, ყვარლის რაიონში მდებარე უდიური სოფლის, ზინობიანის მოსახლეობასთან ერთად, ერთობლივი განცხადებით მივმართეთ ყვარლის მერიას - სოფლის დამაარსებლის სკულპტურის და უდიების შესახებ საინფორმაციო დაფის დადგმის თაობაზე, რაზეც ნებართვა მივიღეთ. დაწყებული გვაქვს თანხის შეგროვების კამპანია. თანხა გროვდება შემდეგ ანგარიშზე:

GE90TB7871636512500003
• მიმღები: ალექსანდრე ქავთარაძე
• ბანკი: JSC TBC BANK
6
სხვადასხვა თემის და რეგიონის მოსახლეობის ადვოკატირების ფარგლებში ,,სამოქალაქო დარბაზის" სახელით სხვადასხვა უწყებაში შევიტანეთ განცხადება წალკის წყალმომარაგების პრობლემასთან დაკავშირებით.
7
ამასთანავე, ჟურნალ ,,პაიდეაში" გამოქვეყნდა რამდენიმე სტატია სხვადასხვა თემაზე. თუ გაქვთ თქვენი სტატიის ან ჩანაწერების ,,პაიდეაზე" გამოქვეყნების სურვილი, გთხოვთ გადმოაგზავნოთ ამ მეილზე: civichallgeorgia@gmail.com

Made on
Tilda