ჩვენი კლასები
იოგა დამწყებებისთვის
ჩვენი მიზანია, იოგა ყველასათვის ხელმისაწვდომი გავხადოთ, მიუხედავად მათი მოქნილობისა თუ გარკვეული გამოცდილებისა.
დამწყებთა კლასში დაგეხმარებით გაეცნოთ იოგას საფუძვლებს. თქვენ შეისწავლით სათანადო პოზებს, გაეცნობით იოგას ძირითად ტერმინებს და, რაც განსაკუთრებით მნიშვნელოვანია, შეისწავლით და გაითავისებთ სწორად სუნთქვას ვარჯიშის დროს.
ჩვენი კლასების მნიშვნელოვანი მახასიათებლებია: აქ არის უსაფრთხო, კეთილგანწყობილი გარემო და პატარა კლასები; ჩვენ გვესმის, რომ ყველას არ შეუძლია შეეხოს ფეხის თითებს ან შეასრულოს რთული პოზები, მაგრამ ეს არ წარმოადგენს არანაირ პრობლემას; ჩვენთან არავინ არავის არ განსჯის – ჩვენ ყველა ერთად ვსწავლობთ, ვიზრდებით და მხარს ვუჭერთ ერთმანეთს!
ჩვენი გამოცდილი ინსტრუქტორები შემოგთავაზებენ პოზების მოდიფიკაციებს და გამოიყენებენ სხვადასხვა რეკვიზიტებს, რათა თითოეული პოზა ხელმისაწვდომი იყოს ყველა მოსწავლისთვის.
თუ ყოველთვის გინდოდათ იოგას სამყაროში მოგზაურობა, მაგრამ არ იცოდით, საიდან დაგეწყოთ, შემოუერთდით ჩვენს დამწყებთა კლასებს და გაეცანით იოგას არაჩვეულებრივ სამყაროს, ეს კი შეგმატებთ ფიზიკურ ძალას, მობილურობას, გონებრივ სინათლეს და გაგიუმჯობესებთ კეთილდღეობას.
იოგა კლასი დონე 1
I დონის იოგა კლასებში ვარჯიში მეტად დინამიურია, რასაც ასევე ემატება შედარებით რთული ასანები.
თუ უფრო გამოცდილი პრაქტიკოსი ხართ, მაინც შეგიძლიათ ისარგებლოთ I დონის გაკვეთილებით, რადგან ის შედგება ფუნდამენტური ვარჯიშებისგან, რომლებიც ხშირად გვავიწყდება ხოლმე მრავალწლიანი პრაქტიკის შემდეგ.
აქ ასევე ისწავლით ბალანსს ხელებზე და თავზე და განივითარებთ როგორც მოქნილობას, ასევე ძალას.
FYSM იოგა კლასები
იოგა ფეხმძიმეებისთვის
თუ კვლევებს დავეყრდნობით, პრენატალური იოგა არა მხოლოდ უსაფრთხოა, არამედ მას მრავალი სარგებელი შეუძლია მოუტანოს როგორც თქვენ, ასევე თქვენს პატარას. მსუბუქი გაწელვების, გონებრივი კონცენტრაციისა და სუნთქვის ტექნიკის შესწავლის საშუალებით, თქვენ იგრძნობთ ღრმა რელაქსაციას და რაც მთავარია, თქვენს სხეულთან და მუცელში მზარდ პატარასთან კავშირს.
ჩვენი კლასები სპეციალურად შექმნილია მომავალი დედების უნიკალური საჭიროებების დასაკმაყოფილებლად. პრენატალური იოგას სესიები უამრავი სარგებლობის მომტანია. თქვენ გაიუმჯობესებთ ძილს, შეიმცირებთ სტრესს და შფოთვას და მოიმატებთ ძალას, მოქნილობას და გამძლეობას. ეს მხოლოდ რამდენიმე სარგებელია, რომელსაც პრენატალური იოგა გთავაზობთ. გარდა ამისა, მას შეუძლია შეგიმსუბუქოთ საერთო დისკომფორტი, როგორიცაა წელის ტკივილი, გულისრევის შეგრძნება, თავის ტკივილი თუ ქოშინი.
ფიზიკური სარგებლის მიღმა, ჩვენი კლასები დაგეხმარებათ, შეხვდეთ და გაიცნოთ სხვა ფეხმძიმე ქალები. ამ მოგზაურობის გაზიარება თანამოაზრე ადამიანებთან ფასდაუდებელია და დაგეხმარებათ, იოლად მოემზადოთ მშობლის საინტერესო და არაჩვეულებრივი , მაგრამ რთული როლისთვის.
პოსტნატალური იოგა
ჩვენ ასევე გავაკეთებთ მუცლის კუნთებისა და მენჯის ფსკერის გასაძლიერებელ ვარჯიშებს, რაც დაგეხმარებათ მშობიარობის შემდგომ პერიოდში. ეს პრაქტიკა სპეციალურად შეიქმნა ახალნამშობიარები დედებისთვის , რათა ხელი შეუწყოს მათი ძალებისა და სხეულის მოქნილობის აღდგენას მშობიარობის შემდგომ პერიოდში. თანამედროვე დედისთვის ეს შესანიშნავი გზაა სწრაფად დაუბრუნდეს აქტიური ცხოვრების წესს მშობიარობის შემდეგ.
იოგათერაპია
ეს უძველესი პრაქტიკა დაგეხმარებათ მიაღწიოთ დასახულ მიზნებს, მოადუნოთ სხეული და იპოვოთ შვება, თუ გაქვთ ჯანმრთელობის რაიმე სახის პრობლემა.
ბავშვების იოგა
ჩვენი გამოცდილი ინსტრუქტორები ქმნიან თბილ გარემოს, სადაც პატარებს აქვთ შესაძლებლობა იოგას უძველესი ხელოვნება შეისწავლონ თამაშ-თამაშით, სახალისო პოზებით, ინტერაქტიული ისტორიებით და წარმოსახვითი თამაშების საშუალებით.
ინდივიდუალური კლასი
თქვენ ივარჯიშებთ 1:1 გამოცდილ, იოგას პირად ინსტრუქტორთან, რომელიც იოგას გაკვეთილს თქვენს კონკრეტულ საჭიროებებსა და მიზნებს მოარგებს. ეს არის იდეალური გზა, თუ გსურთ მეტი გაიგოთ იოგას შესახებ ან ისეთ კონკრეტულ საკითხებზე გაამახვილოთ ყურადღება, როგორიცაა მოქნილობა, ძალისმიერი ვარჯიშები ან ბალანსი (წონასწორობა). იოგას პირადი ინსტრუქტორი დაგეხმარებათ მიაგნოთ თქვენს საკუთარ სტილს და მოგცემთ მოტივაციას, სწრაფად მიაღწიოთ წარმატებულ შედეგს.
იოგას ინდივიდუალური გაკვეთილი 60-90 წუთის განმავლობაში გრძელდება. იოგას ტრადიციულ პოზებთან ერთად, იგი შეიძლება შეიცავდეს სუნთქვით ვარჯიშებს, მედიტაციას და მსუბუქ გაჭიმვებს. იოგას თქვენმა ინსტრუქტორმა შეიძლება საჭიროებისამებრ გამოიყენოს სხვადასხვა რეკვიზიტები და მოარგოს კლასი თქვენს მოთხოვნებს, რათა უსაფრთხოდ და ეფექტურად ივარჯიშოთ.
იოგას ინდივიდუალური გაკვეთილები საშუალებას აძლევს მსურველს ღრმად შეისწავლოს იოგას პრაქტიკა პერსონალური ყურადღებისა და ინსტრუქტაჟის თანხლებით. ჯგუფური გაკვეთილებისგან განსხვავებით, ინდივიდუალურ სესიებზე მეტი წარმატებული შედეგის მიღწევაა შესაძლებელი ნაკლებ დროში, რადგან თითოეულ ადამიანს მეტი პერსონალური ყურადღება და დრო ეთმობა.
ჩვენი მასწავლებლები
იოგას შემთხვევით დავუბრუნდი რამდენიმე წლის წინ. მეგობარმა იოგას თავისი მასწავლებელი გამაცნო ინდოეთიდან. მან კვლავ გააღვივა ჩემში ინტერესი ამ დისციპლინისადმი და დამარწმუნა, რომ შესაძლებელია ხერხემლის გაუსაძლის ტკივილებთან გამკლავება.
2020 წელს დავამთავრე ღრმა გაწელვების და სუნთქვის ქოუჩის ონლაინ კურსები Yogabody Teachers College-ში. ასევე გავიარე ონლაინ კურსი “აიურვედა და თანამედროვე მეცნიერება” დოქტორ ჯონ დულიარდთან. ამ ყველაფერმა უფრო მეტი ინტერესი გამოიწვია ჩემში, რომ ღრმად შემესწავლა იოგა და მისი ფილოსოფია. 2022 წლის თებერვალში გავემგზავრე ტაილანდში ჰათჰა ვინიასა იოგას მასწავლებლის 200 საათიანი კურსის გასავლელად Path of Yoga School-ში. ახლახანს, ინდოეთში, ქ. რიშიკეშში გავიარე დამატებითი კურსი იოგას მასწავლებლის კვალიფიკაციის ასამაღლებლად.
იოგამ შეცვალა ჩემი ცხოვრება და ჩემი შეხედულება ბევრ საკითხზე. ეს უძველესი ტრადიცია ჩემი არსებობის განუყრელი ნაწილი გახდა. მან მაქცია მწყურვალ ადამიანად, რომელიც მუდამ ახლის ძიებაშია. უდიდეს სიამოვნებას მანიჭებს ახალი სირთულეების დაძლევა, დაკვირვება გონებისა და სხეულის, სუნთქვისა და მოძრაობის კავშირზე.
მსიამოვნებს მუშაობა ადამიანებთან, დახმარება მათთვის მნიშვნელოვანი და სასურველი შედეგის მისაღწევად: ღრმად ჩაიძირონ ჯერ ფიზიკურ, შემდეგ კი ენერგეტიკულ და ემოციურ ფენებში, გათავისუფლდნენ არასაჭირო ღელვისა თუ სტრესებისგან, აღმოაჩინონ სიახლეები საკუთარ თავში.
წლები რომ გავიდა, დავამთავრე მოსკოვის სამედიცინო უნივერსიტეტი, მერე 5 შვილი შემეძინა, ამასთან ერთად, შემექმნა ხერხემლის პრობლემები. ჯერ ძალიან ძლიერი ტკივილები მქონდა წელის არეში, შემდეგ ვეღარ დავდიოდი და შემეშინდა, რომ სამუდამოდ ჩავვარდებოდი ლოგინად.
ეს მოხდა 10 წლის წინ და მაშინ 40 წლის ვიყავი. მივხვდი, რომ წამლებით მკურნალობას ეფექტი არ ექნებოდა. გავიდა ერთი თვე, მეორე და გადავწყვიტე, რომ თვითონ უნდა ვუშველო ჩემს თავს.
დავიწყე ძალიან მარტივი ვარჯიშები ლოგინში, თან ძალიან დასუსტებული ვიყავი. ნელ-ნელა ვამატებდი მოძრაობებს, ვეძებდი, რომელი სჯობია ჩემთვის. როცა ფეხზე დავდექი და გავიარე, უბედნიერესი ადამიანი ვიყავი.
ასევე შევნიშნე, რომ ვარჯიში არ უნდა გამოვტოვო, თუ არ მინდა ტკივილის დაბრუნება. მადლიერი ვარ, რომ ნებისყოფა მეყო!
სულ მახსენდებოდა მამაჩემი. ის არ მასწავლიდა რატომღაც, თუმცა თვითონ იოგათი იყო დაკავებული. მაინტერესებდა იოგას სამყარო, მაგრამ არ მქონდა არც დრო, არც საშულება ამისთვის. სად გამეგო მეტი, არ ვიცოდი.
ერთ მშვენიერ დღეს, ჩემმა შვილმა გამომიგზავნა ლინქი საქართველოს იოგა ფედერაციის გიორგი ბერძენიშვილის ინსტრუქტორთა კურსის შესახებ. ჩემთვის მინდოდა და მერე მივხვდი, რომ არა მარტო…
ფიზიკური და სუნთქვითი ვარჯიშები დაგეხმარება იყო ჯანმრთელი , მშვიდი და დაბალანსებული. თუ ჩაუღრმავდები და წაყვები იოგას პრინციპებს, დაეუფლები მათ, ბევრ რამეში დაგეხმარება. ყველაზე საშინელ სიტუაციაშიც კი, იმედს დაინახავ და გაგრძელებას შეძლებ.
ეს დავინახე ჩემ გზაზე და ამიტომ მჯერა, რომ შეგიძლია გაიუმჯობესო ფიზიკური და მენტალური ჯანმრთელობა, გახდე ბედნიერი და სხვას გადასცე სიკეთე და სიყვარული.
მინდა გაგიზიაროთ ეს ცოდნა და დაგანახოთ იოგას სიკეთე.
ფასები
12 კლასიანი პაკეტი (60 წუთი)
- ეს პაკეტი უნდა გამოიყენოთ ერთი თვის განვალობაში
8 კლასიანი პაკეტი (60 წუთი)
- ეს პაკეტი უნდა გამოიყენოთ ერთი თვის განვალობაში
ერთი კლასი (60 წუთი)
პოსტნატალური იოგა.
კლასის ხანგრძლივობა – 60 წუთი
პოსტნატალური იოგა 4 კლასიანი პაკეტი (60 წუთი)
- ეს პაკეტი უნდა გამოიყენოთ ერთი თვის განვალობაში
პოსტნატალური იოგა ერთი კლასი (60 წუთი)
- –
პერსონალური გაკვეთილი.
კლასის ხანგრძლივობა – 60 წუთი
12 ინდივიდუალური კლასის პაკეტი (60 წუთი)
8 ინდივიდუალური კლასის პაკეტი (60 წუთი)
-
დაგვიკავშირდით ფასდაკლების კოდის მისაღებად!
- ეს პაკეტი უნდა გამოიყენოთ ერთი თვის განვალობაში
ერთი ინდივიდუალური კლასი (60 წუთი)
ჩვენს შესახებ
დაეუფლეთ იოგას უძველეს ხელოვნებას მყუდრო და კეთილგანწყობილ გარემოში ჩვენი გამოცდილი ინსტრუქტორების დახმარებით.
Radha Yoga სტუდია გთავაზობთ მრავალფეროვანი კლასების არჩევანს, როგორიცაა ჰათჰა და აშტანგა იოგა, თერაპიული იოგა, კლასები ფეხმძიმეებისთვის, პოსტნატალური იოგა, სუნთქვის კლასები, იოგა ბავშვებისთვის და სხვა.
თუ გსურთ ფიზიკურად გაძლიერდეთ, მეტად მოქნილი გახდეთ, უბრალოდ ჯანმრთელი ცხოვრების წესს მისდიოთ, ან სულაც შინაგანი შფოთვისა და დაძაბულობისგან განთავისუფლდეთ, შემოგვიერთდით და განიცადეთ იოგას ტრანსფორმაციული ძალა ჩვენს თბილ და მეგობრულ გარემოში.
ჩვენი ადგილმდებარეობა: თამარაშვილის ქუჩა 13ჟ, I სადარბაზო, ბინა 1, (დომუსი, იპოდრომი II), თბილისი, საქართველო
დაგვიკავშირდით
გამოიყენეთ ეს ფორმა ჩვენთან კავშირისთვის. ჩვენი გუნდი მზად არის უპასუხოს ნებისმიერ თქვენ შეკითხვას.