HERITAGE SUMMER CAMP
& PAIDEIA
ორი კვირა ბრიტანული განათლების, ტრადიციებისა და დაუვიწყარი გამოცდილების სამყაროში.
- 2 კვირა
- მხოლოდ 60 ბავშვი
- SUNNINGDALE SCHOOL
HERITAGE SUMMER CAMP & PAIDEIA თქვენს შვილებს სთავაზობს უნიკალურ შესაძლებლობას, ორი კვირის განმავლობაში იცხოვრონ, ისწავლონ და დაისვენონ საუკუნოვანი ტრადიციების მქონე ბრიტანულ სკოლა-პანსიონში — შეიგრძნონ მისი ყოველდღიური ცხოვრება, გაეცნონ ბრიტანულ საგანმანათლებლო კულტურას და შეიძინონ ახალი ცოდნა, გამოცდილება და მეგობრები.
HERITAGE SUMMER CAMP-ის ერთ-ერთი მთავარი უპირატესობა მისი განსაკუთრებული, ოჯახური და თბილი გარემოა, რომელიც ბუნებრიობით, მზრუნველობითა და ინდივიდუალური მიდგომით გამოირჩევა.
ბანაკის საორგანიზაციო ჯგუფი თავად წარმოადგენს სკოლა-პანსიონის მმართველ გუნდს, რომელსაც აკადემიური დირექტორი ხელმძღვანელობს. შესაბამისად, ბანაკი ბავშვებს მასპინძლობს არა უბრალოდ სკოლის ტერიტორიაზე, არამედ მის ავთენტურ აკადემიურ და სოციალურ გარემოში.
ბანაკის მასპინძელია SUNNINGDALE SCHOOL — ოჯახური მართვის ტრადიციის მქონე ბრიტანული ვაჟთა სკოლა-პანსიონი (Family-run Boys’ Boarding Preparatory School). ეს ბავშვებს შესაძლებლობას აძლევს, უშუალოდ შეიგრძნონ ტრადიციულ ბრიტანულ სკოლა-პანსიონში ცხოვრების ყოველდღიურობა და მიიღონ გამოცდილება, რომელიც ჩვეულებრივი საზაფხულო ბანაკის ფარგლებს სცდება.
ბანაკის განსაკუთრებული მახასიათებელია მოსწავლეთა მცირე რაოდენობა — ყველა ასაკობრივი ჯგუფის ჩათვლით, მონაწილეთა საერთო რაოდენობა მხოლოდ 60 ბავშვს შეადგენს.
ასეთი ფორმატი უზრუნველყოფს თითოეული მოსწავლისადმი ინდივიდუალურ მიდგომას, მათ საჭიროებებზე მორგებულ ყურადღებასა და მზრუნველ გარემოს, სადაც ყველა ბავშვს საკუთარი შესაძლებლობების გამოვლენის საშუალება ეძლევა.
ბანაკის აკადემიურ პროგრამას ინგლისის წამყვანი სკოლებიდან მოწვეული პედაგოგები უძღვებიან. მათი გამოცდილება და პროფესიონალიზმი ქმნის უსაფრთხო, მხარდამჭერ და მოტივაციურ გარემოს, სადაც თითოეული მოსწავლე თანაბარ ყურადღებას მიიღებს.
აკადემიური ინგლისური ენის გაკვეთილები, ინტერაქტიული სემინარები და პრაქტიკული დავალებები ბავშვებს არა მხოლოდ ენობრივი უნარების გაუმჯობესებაში დაეხმარება, არამედ ახლოს გააცნობს ბრიტანული სასკოლო განათლების ტრადიციებსა და სწავლების თანამედროვე მიდგომებს.
პროგრამის მნიშვნელოვანი უპირატესობაა ისიც, რომ მომავალში დიდ ბრიტანეთში სწავლის გაგრძელებით დაინტერესებულ მოსწავლეებს შესაძლებლობა ექნებათ, პედაგოგების მხარდაჭერით ისარგებლონ ISEB-ის (Independent Schools Examination Board) მიერ დამტკიცებული საგამოცდო მოსამზადებელი პლატფორმით — Bond Online Premium Plus.
პლატფორმა მოსწავლეებს სთავაზობს შესაბამის საგამოცდო ტესტებსა და პრაქტიკულ სავარჯიშოებს, რაც მათ ბრიტანული კერძო სკოლების მისაღები გამოცდებისთვის მომზადებაში დაეხმარება.
პლატფორმის შესახებ დეტალური ინფორმაცია: Bond Online Premium Plus
ბანაკის პროგრამა მხოლოდ აკადემიური აქტივობებით არ შემოიფარგლება. იგი მოიცავს მრავალფეროვან საექსკურსიო, შემეცნებით და გასართობ ღონისძიებებს, რომლებიც ბავშვებს შესაძლებლობას მისცემს, უკეთ გაიცნონ დიდი ბრიტანეთი და მისი ღირსშესანიშნაობები.
ყოველდღიურად მაღალკვალიფიციური მზარეულის მიერ მომზადებული ჯანსაღი და თბილი კერძები კიდევ უფრო შინაურულს ხდის ბანაკის ოჯახურ და მყუდრო გარემოს.
დეტალური ინფორმაციისთვის გაეცანით ჩვენს საპრეზენტაციო ბუკლეტს.
დაინტერესებული მშობლებისთვის ასევე გაიმართება ონლაინ საინფორმაციო შეხვედრა ბანაკის ორგანიზატორებთან. შეხვედრის ფარგლებში შესაძლებლობა გექნებათ, მიიღოთ ამომწურავი ინფორმაცია პროგრამის, აკადემიური მიმართულების და ბანაკის ყოველდღიური ცხოვრების შესახებ, ასევე დასვათ თქვენთვის საინტერესო კითხვები.