მოსაუბრე წიგნები

კლუბის შესახებ

„მოსაუბრე წიგნები“ წიგნის კლუბია, სადაც:

• ბავშვებს ხმამაღლა ვუკითხავთ წიგნებს
• ვსაუბრობთ მოსმენილ ამბავზე
• ვცვლით აზრებს და ემოციებს
• ვთამაშობთ და ვხატავთ
• ვუსმენთ მუსიკას და ვეცნობით მის სხვადასხვა ჟანრს

ვინ უძღვება კლუბს

ინგლისურ კლუბს უძღვება პროფესიონალი პედაგოგი, დიდ ბრიტანეთში 10 წელზე მეტი მუშაობის გამოცდილებით, როგორც ნეიროტიპულ, ასევე სსს მოსწავლეებთან.

კლუბის მიზანია

• დავეხმაროთ ბავშვებს წაკითხულის გაგებისა და გააზრების უნარ-ჩვევების განვითარებაში
• შევაყვაროთ მათ წიგნები და ხმამაღლა წაკითხულის მოსმენით მიღებული გამოცდილება

სახელის მნიშვნელობა

პაიდეია
Paideia

სიტყვა პაიდეია (Paideia) ძველი ბერძნულიდან მოდის და ნიშნავს განათლებას, ცოდნისა და კულტურის გზით ბავშვის აღზრდასა და განვითარებას.

პაიდეია ასევე გადმოსცემს იდეას, რომ ბავშვის გაზრდა მისი გონების, წარმოსახვის, ხასიათისა და სამყაროსადმი დამოკიდებულების ჩამოყალიბებასაც გულისხმობს.

მყუდრო და მეგობრული გარემო

როდესაც პაიდეიას დაარსების იდეაზე დავიწყეთ ფიქრი, უკვე ვიცოდით, რომ უნდა შეგვექმნა მყუდრო, თბილი და მეგობრული გარემო, სადაც ბავშვებს საკუთარი ფიქრების, ემოციებისა და მოსაზრებების თავისუფლად გაზიარების შესაძლებლობა ექნებოდათ და რომელიც მათ ღია, ცოცხალი საუბრებისკენ ბუნებრივად უბიძგებდა.

ლიტერატურა და დიალოგი

ამ იდეამ ბუნებრივად მიგვიყვანა ლიტერატურამდე — ჩვენ გვჯერა, რომ სწორედ ბავშვებისთვის წიგნის ხმამაღლა წაკითხვა იოლად აღვიძებს მათში დიალოგისა და ცოცხალი კომუნიკაციის სურვილს. ღია და თავისუფალი საუბარი კი გვეხმარება საკუთარი თავის უკეთ შეცნობაში, რათა სწორად გავერკვეთ გარე სამყაროსა და მასში მიმდინარე ცვლილებებში.

ჯანსაღი კომუნიკაცია

ჩვენ გვჯერა, რომ ჯანსაღი კომუნიკაცია ერთმანეთის მიმართ გულწრფელი სიკეთის, პატივისცემისა და თანადგომის გამოხატვაა.

ჩაეწერეთ კლუბში

შეავსეთ სარეგისტრაციო ფორმა და მალე დაგიკავშირდებით.

რეგისტრაცია